រតនគីរី, ប្រទេសកម្ពុជា – គម្រោង CLESIDRA បានបញ្ចប់ដំណាក់កាលទីពីរនៃការវាយតម្លៃ RESCO (ធនធានសម្រាប់អង្គការសង្គម និងប្រកួតប្រជែង) ដោយជោគជ័យ ដែលបានធ្វើឡើងនៅថ្ងៃទី ០៩-១០ ខែឧសភា ឆ្នាំ ២០២៤។ ដំណាក់កាលនេះផ្តោតលើយុទ្ធសាស្ត្រលើខ្សែសង្វាក់តម្លៃស្វាយចន្ទី ដែលជាវិស័យសេដ្ឋកិច្ចសំខាន់មួយនៅក្នុងខេត្តរតនគីរី។
ការវាយតម្លៃរយៈពេលពីរថ្ងៃនេះបានប្រមូលផ្តុំក្រុមផ្តោតអារម្មណ៍កម្រិតខ្ពស់មួយដើម្បីបង្កើត និងចែករំលែកការយល់ដឹងសំខាន់ៗលើការអនុវត្តការដាំដុះ បញ្ហាប្រឈមផលិតកម្ម និងយុទ្ធសាស្ត្រទីផ្សារ។ តាមរយៈការភ្ជាប់ការពិតកម្រិតហសគមន៍ជាមួយនឹងទស្សនៈគោលនយោបាយ វគ្គទាំងនេះបានផ្តល់នូវការយល់ដឹងយ៉ាងស៊ីជម្រៅអំពីឱកាស និងឧបសគ្គដែលវិស័យស្វាយចន្ទីកំពុងប្រឈម។
ភាពជោគជ័យនៃការវាយតម្លៃត្រូវបានជំរុញដោយការចូលរួមយ៉ាងសកម្មពីក្រុមអ្នកពាក់ព័ន្ធចម្រុះ ដែលធានាបាននូវវិធីសាស្រ្តដ៏ទូលំទូលាយ និងរួមបញ្ចូលចំពោះការធ្វើផែនការអភិវឌ្ឍន៍។ អ្នកចូលរួមរួមមានអាជ្ញាធរខេត្ត និងមូលដ្ឋាន ដូចជាមន្ទីរពាក់ព័ន្ធ តំណាងរដ្ឋបាលក្រុង/ស្រុក និងរដ្ឋបាលឃុំ/សង្កាត់ រួមជាមួយអ្នកផលិត និងមេដឹកនាំសហគមន៍ ជាពិសេសកសិករ និងក្រុមកសិកម្មដែលបានចែករំលែកបទពិសោធន៍ជាក់ស្តែងពីមូលដ្ឋានផ្ទាល់។ ដៃគូអភិវឌ្ឍន៍ រួមទាំងតំណាងអង្គការមិនមែនរដ្ឋាភិបាល និងអ្នកស្រាវជ្រាវ ក៏បានដើរតួនាទីយ៉ាងសំខាន់ដោយចូលរួមចំណែកចំណេះដឹងបច្ចេកទេស និងទស្សនៈវិភាគផងដែរ។ ការសន្ទនាសហការនេះបានជំរុញការយល់ដឹងកាន់តែស៊ីជម្រៅអំពីវិស័យនេះ និងគាំទ្រដល់ការធ្វើការសម្រេចចិត្តដោយផ្អែកលើភស្តុតាង។
អ្នកសម្របសម្រួលមកពីអង្គការILS LEDA (ប្រទេសអ៊ីតាលី) បានសម្តែងការកោតសរសើរចំពោះការចូលរួមចំណែកដ៏មានតម្លៃរបស់អ្នកចូលរួម។ ចំណេះដឹងដែលបានចែករំលែកក្នុងអំឡុងពេលវគ្គនឹងមានសារៈសំខាន់ក្នុងការបង្កើតយុទ្ធសាស្ត្រអភិវឌ្ឍន៍គោលដៅដែលដោះស្រាយតម្រូវការជាក់ស្តែងរបស់អ្នកផលិតក្នុងស្រុក និងបង្កើនភាពប្រកួតប្រជែងនៃខ្សែសង្វាក់តម្លៃស្វាយចន្ទី។
បន្ទាប់ពីបានបញ្ចប់ការវាយតម្លៃស្វាយចន្ទីដោយជោគជ័យ គម្រោងនេះកំពុងឈានទៅដំណាក់កាលបន្ទាប់ ដែលពាក់ព័ន្ធនឹងការចូលរួមពីភាគីពាក់ព័ន្ធនៅក្នុងខ្សែសង្វាក់តម្លៃដំឡូងមី។ កិច្ចខិតខំប្រឹងប្រែងជាបន្តបន្ទាប់នេះបង្ហាញពីការប្តេជ្ញាចិត្តរបស់គម្រោងក្នុងការពង្រឹងវិស័យផ្សេងៗដែលរួមចំណែកដល់ភាពធន់សេដ្ឋកិច្ចរបស់ខេត្តរតនគីរី។
