ពិព័រណ៍ពាណិជ្ជកម្មGS1 កំពុងដាក់តាំងបង្ហាញផលិតផលមកពី២៥ ខេត្ត/ក្រុងទូទាំងប្រទេសកម្ពុជា នៅអគារ The Factory Phnom Penh កាលពីថ្ងៃពុធ។
ស្ថាប័ន GS1 Cambodia បានរៀបចំពិព័រណ៍នេះជាលើកដំបូងដើម្បីបង្ហាញផលិតផលកម្ពុជាសម្រាប់ទីផ្សារក្នុងស្រុក និងនាំចេញទៅកាន់ទីផ្សារអន្តរជាតិ ក៏ដូចជាលើកកម្ពស់ការប្រើប្រាស់លេខបាកូដផលិតផលជាតិក្នុងប្រទេស។
ពិធីនេះមានការចូលរួមពីលោក ងួន ម៉េងតិច អគ្គនាយកសភាពាណិជ្ជកម្មកម្ពុជា និងឥស្សរជនសំខាន់ៗមកពីស្ថាប័នរដ្ឋ និងឯកជន រួមទាំងភ្ញៀវជាតិ និងអន្តរជាតិជាច្រើនរូបទៀត។
ពិព័រណ៌នេះបានបង្ហាញពីបច្ចេកវិទ្យាក្នុងការលើកកម្ពស់ផលិតកម្ម និងការដឹកជញ្ជូន ដើម្បីសម្រេចបាននូវប្រសិទ្ធភាពខ្ពស់ក្នុងការអភិវឌ្ឍផលិតផលកម្ពុជាឱ្យកាន់តែមានគុណភាព សុវត្ថិភាព តម្លៃសមរម្យ ជាមួយនឹងស្តង់ដារ ដើម្បីផ្សព្វផ្សាយផលិតផលកម្ពុជាទៅកាន់ទីផ្សារតាមរយៈស្លាកយីហោ និងភាពត្រឹមត្រូវនៃស្តង់ដារបាកូដ។
នៅក្នុងសុន្ទរកថាបើក លោក ងួន ម៉េងតិច បានសង្កត់ធ្ងន់លើសារៈសំខាន់នៃលេខកូដប្រទេស 884 នៅពេលដែលផលិតផលកម្ពុជាត្រូវបាននាំចេញទៅក្រៅប្រទេស ប្រភពដើមនៃផលិតផលអាចត្រូវបានបង្ហាញដោយការស្កេនលេខកូដ។ លោកបានមានប្រសាសន៍ថា “អត្ថប្រយោជន៍នៃការប្រើប្រាស់បាកូដមានប្រសិទ្ធភាពក្នុងការបង្ហាញពីប្រភពដើមនៃផលិតផល និងកាត់បន្ថយកំហុសឆ្គង និងហានិភ័យ សន្សំពេលវេលាក្នុងសង្វាក់ផលិតកម្ម និងលើកកម្ពស់ការទទួលស្គាល់ផលិតផលជាលក្ខណៈស្តង់ដារ”។
លោកបានបន្ថែមថា វាងាយស្រួលក្នុងការគ្រប់គ្រងសារពើភ័ណ្ឌ ងាយស្រួលក្នុងការចរាចរ និងចែកចាយផលិតផលនៅក្នុងផ្សារទំនើប និងនាំចេញទៅកាន់ទីផ្សារអន្តរជាតិ ហើយអាចបង្កើនទំនាក់ទំនងរវាងក្រុមហ៊ុន និងក្រុមហ៊ុន និងជាវេទិកាតែមួយសម្រាប់ដៃគូពាណិជ្ជកម្មទាំងអស់នៅជុំវិញពិភពលោក។
លោក សួន មិ ប្រធានសមាគមសហគ្រិន VMOVE កម្ពុជា បានមានប្រសាសន៍ថា បាកូដ GSI ជួយអ្នកផលិតក្នុងស្រុកឱ្យធ្វើតាមស្តង់ដារស្របតាមតម្រូវការទីផ្សារ។
លោកបានមានប្រសាសន៍ថា “បច្ចុប្បន្ននេះ សមាជិករបស់សមាគមភាគច្រើនកំពុងប្រើប្រាស់បាកូដ GS1 ដែលផ្តល់អត្ថប្រយោជន៍ជាច្រើនដល់សហគ្រិន ដូច្នេះពួកគេអាចនាំចេញផលិតផលទៅបរទេសស្របតាមស្តង់ដារ ទាំងផ្នែកវេចខ្ចប់ និងគុណភាពខ្ពស់តាមរយៈបាកូដ GS1”។
កម្មវិធីនេះមានប្រធានបទ និងបទបង្ហាញសំខាន់ៗទាក់ទងនឹងការលើកកម្ពស់ និងផ្សព្វផ្សាយផលិតផលសក្តានុពលរបស់កម្ពុជា និងការបង្កើនចំណេះដឹងអំពីការប្រើប្រាស់ស្លាកសញ្ញា ស្តង់ដារលើផលិតផល និងប្រព័ន្ធផលិតកម្ម។
ពិព័រណ៌ពាណិជ្ជកម្មបានផ្តល់នូវសកម្មភាពជាច្រើនសម្រាប់ភ្ញៀវជាតិ និងអន្តរជាតិ។ អ្នកចូលរួមអាចស្វែងយល់ពីការតាំងបង្ហាញផលិតផលពីគ្រប់២៥ខេត្ត/ក្រុង រីករាយជាមួយកម្មវិធីកម្សាន្ត និងភ្លក់រសជាតិអាហារជាច្រើនប្រភេទ។
ព្រឹត្តិការណ៍នេះត្រូវបានរៀបចំឡើងសម្រាប់គ្រួសារដែលផ្តល់នូវដំណើរកម្សាន្តដ៏ល្អសម្រាប់មិត្តភ័ក្តិ និងមនុស្សជាទីស្រឡាញ់។
